* Achchhaa jo Khafaa ham se ho tum ai sanam achchhaa *
Achchhaa jo Khafaa ham se ho tum ai sanam achchhaa
lo ham bhii na bolenge Khudaa kii qasam achchhaa
mashguul kyaa chaahiiye is dil ko kisii taur
le levenge Dhuundh aur koii yaar ham achchhaa
garmii ne kuchh aag aur hii siine me’n lagaa dii
har taur gharaz aap se milanaa hai kam achchhaa
agiyaar se karte ho mere saamne baate’n
mujhapar ye lage karne nayaa tum sitam achchhaa
kah kar gae aataa huu’N koii dam me’n mai’n tum paas
phir de chale kal kii sii tarah mujhako dam achchhaa
is hastii-e-mauhuum se mai’n tang huun "Insha"
vallaah ke us se woh har dam achchhaa
|