* Khayaal kiijiye kyaa kaam aaj mai’n ne kiyaa *
Khayaal kiijiye kyaa kaam aaj mai’n ne kiyaa
jab unne dii mujhe gaalii salaam mai’n ne kiyaa
kahaa ye sabr ne dil se ke lo Khudaa haafiiz
ke haq-e-bandagii apanaa tamaam mai’n ne kiyaa
jhiDak ke kahane lage lab chale bahut ab tum
kabhii jo bhuul ke unase kalaam mai’n ne kiyaa
havas ye rah gaii saahib ne par kabhii na kahaa
ke aaj se tujhe "Insha" Ghulaam mai’n ne kiyaa
|