* Tum ne dil kii baat kah dii aaj ye achchhaa huaa *
Tum ne dil kii baat kah dii aaj ye achchhaa huaa
ham tumhe’n apanaa samajhte the baDaa dhokhaa huaa
jab bhii ham ne kuchh kahaa us kaa asar ulaTaa huaa
aap shaayad bhuulate hai’n baarahaa aisaa huaa
aap kii aankho’n me’n ye aansuu kahaa’n se aa gaye
ham to diivaane hai’n lekin aap ko ye kyaa huaa
ab kisii se kyaa kahe’n 'Iqbaal' apanii daastaa’n
bas Khudaa kaa shukr hai jo bhii huaa achchhaa huaa
|