* Koii samajhaayiye ki kyaa rang hai maikhaane kaa *
Koii samajhaayiye ki kyaa rang hai maikhaane kaa
aankh saaqii kii utthe, naam ho paimaane kaa
garmii-e-shamaa kaa afasaanaa sunaanevaalo
raqs dekhaa nahii’n tum ne abhii parvaane kaa
chashm-e-saaqii mujhe har gaam pe yaad aatii hai
raastaa bhuul na jaauun kahii’n maikhaane kaa
ab to har shaam guzartii hai isii kuuche me’n
ye natiijaa huaa naaseh tere samajhaane kaa
ab to har manzil se guzarnaa to hai aasaan "Iqbal"
ishq hai naam khud apane se guzar jaane kaa
|