غزل

نمودِ ظلمِ باطل ہی پیامِ صبحِ عادل ہے
ظہورِ ہستیٔ حق ہی پیامِ ختمِ باطل ہے
اگر حق بات کہنا ہے تو تم بیباک ہوجائو
یہی مومن کا حاصل اور پیامِ مردِ کامل ہے
سبب ہر خونِ ناحق کا تری تفریق ہے ورنہ
خیالِ اتحادِ حق پیامِ مرگِ قاتل ہے
نہ دل میں شوقِ منزل ہے نہ پائے شوق ہے ثابت
ترے جیسوں کی خاطر ہی پیامِ بُعدِ منزل ہے
جو انساں جیت لے دل خلق کا شیریں زباں بن کر
حقیقت میں اُسی کو بس پیامِ فتحِ کامل ہے
محبت کے سمندر کو گھٹانے سے نہیں گھٹتا
کرو اب عام اس کو تم پیامِ موج و ساحل ہے
تمنا سربلندی کی اگر ہے ہوش میں آئو
نہیں تو رشک عشرت میں پیامِ رنج شامل ہے

عیسیٰ رشک

83/3, Maulana Salim Road, Nai basti
Kamarhatti, Kolkata-700058
Mob: 9332415315
بشکریہ ’’میر بھی ہم بھی‘‘	مرتب: مشتاق دربھنگوی
………………………