غزل

غمِ ہستی کا افسانہ سنانے ہم نہیں آئے
تری چشمِ کرم کو آزمانے ہم نہیں آئے
مسافر ہیں! گزر جانا ہے ہم کو جانبِ منزل
مگر ہر گام پر کانٹے بچھانے ہم نہیں آئے
ہماری حیثیت تو کچھ تمہاری انجمن میں ہے
تمہاری صرف ہاں میں ہاں ملانے ہم نہیں آئے
طلسمِ حسنِ دنیا توڑ دیں گے ہم بھرم تیرا
گھروندا ریت پر اپنا بنانے ہم نہیں آئے
وطن کو یاد کرکے خون کے آنسو نہ کیوں روئیں
یہ ٹھوکر پے بہ پے غربت میں کھانے ہم نہیں آئے
سبق تو مصلحت کوشی کا ہم کو مت پڑھا ہمدم
ہر اک در پر جبیں اپنی جھکانے ہم نہیں آئے
مقدر اشتیاق اپنا سراشکِ غم بہانا ہے
مثالِ گل چمن میں مسکرانے ہم نہیں آئے

اشتیاق احمد اشتیاق

Imam Chhoti Masjid, 56, Bright Street
Kolkata-700017
Mob: 9831046863
بشکریہ ’’میر بھی ہم بھی‘‘	مرتب: مشتاق دربھنگوی
………………………