میں تیرے جیسی ہوں

خط لکھتے ہوئے
پسینے کے عرق میری جبیں سے
ٹپک پڑے اور
تحریر جگہ جگہ سے
مٹ سی گئی
خط پڑھ کر ، اُس نے مجھے لکھا
’’تمہیں میری قسم، اب مت رونا‘‘
میں اُس کی تحریر پڑھ کر
کھلکھلاکر ہنس پڑی
قدرے توقف کے بعد سوچا
جو جیسا ہوتاہے
ویسا ہی کیوں سوچتا ہے
اس خیال نے مجھے
سراسیمہ کردیا
مجھے بھی
تیرے ہی جیسا کردیا

جبیں نازاں

Hakeem Chak
Rafi Ganj
Aurangabad-824125
(Bihar)
Mob: 8797741193
بہ شکریہ جانِ غزل مرتب مشتاق دربھنگوی
+++