* Haye dum bhar bhi dil tahar na saka *
Haye dum bhar bhi dil tahar na saka
Haath seene pe koi dhar na saka
Aaina kisi se dekha jaata hai
Rashk ke maare woh sanwar na saka
Reh gaya aankh mein nazakat se
Dil mein naqsha tera utar na saka
Is jahan se guzar gaye laakhon
Is gali se koi guzar na saka
Maikashi se nijaath mushkil hai
Mai ka dooba kabhi ubhar na saka
Mera naama khat muqaddar tha
Ke nazar se teri guzar na saka
Jo tere ishq mein tabah hua
Koi is ko tabah kar na saka
Aag aisi lagi thi seene mein
Aankh se dil mein woh utar na saka
Mousam e gul mein bhi 'Jaleel' afsos
Daaman apna gulon se bhar na saka
|