* Ranggat yeh ruq ki aur yeh aalam naqaab ka *
Ranggat yeh ruq ki aur yeh aalam naqaab ka
Daaman mein koi phool liye hai gulaab ka
Charoan taraf se is pe nighahoan ka baar hai
Mushkil hai in ko ruq se uthana naqaab ka
Taskeen e khaakh dete hain rakh kar jigar pe haath
Pehlu badal rahe hain mere iztaraab ka
Muddat hui wahi hai zamaane ka inquilaab
Naqsha kheencha hua hai mere iztaraab ka
Bachpan kahan tak in ki umangoan ko rokta
Akhir ko rang phoot hi nikla shabaab ka
Rona khushi ka roti hai bul bul bahaar mein
Chirka'o ho raha hai chaman mein gulaab ka
Jhalki dikha ke aur woh bijli gira jaye
Accha kiya ilaaj mere iztaraab ka
Khaak e chaman pe shabnam wa gul ka ajab hai rang
Saagar kisi se chuut pada hai sharaab ka
Khoye hue hain shahid wa mani ki dhun mein hum
Yeh bhi 'Jaleel' ek junoon hai shabaab ka.
|