غزل
٭………جمیل مظہری

ترا حسن بھی بہانہ مرا عشق بھی بہانہ 
یہ لطیف استعارے نہ سمجھ سکا زمانہ
میں نثار دست نازک جو اٹھائے ناز شانہ
کہ سنور گئیں یہ زلفیں، توسنور گیا زمانہ
تری زندگی تبسم، مری زندگی تلاطم
مری زندگی حقیقت، تری زندگی فسانہ
تری زلف خم بہ خم نے نئے سلسلے نکالے
مری سینہ چاکیوں سے جو بنا مزاج شانہ
ترا ناز کبریائی بھی مقام غور میں ہے
کہ گھٹا دیا ہے سجدوں نے وقار آستانہ
میں درون خانہ آکر بھی لئے ہوں داغ سجدہ
ہے ابھی مری جبیں پہ اثر برون خانہ
کبھی راہ میں نے بدلی تو زمیں کا رقص بدلا
کبھی سانس لی ٹھہر کر تو ٹھہر گیا زمانہ
٭٭٭٭