DAANIST ME'N TO APNI TERI SIMT RAWAA'N HOO'N,
KYA KAHTI HAI US DASHT KI AAWAZ JAHAA'N HOO'N,
TAB JAA'N SE GUZARNE KI KOI RAAH NA PAAYII,
AB JEENE KI KHWAAHISH ME'N GIRIFTAAR ZAYAA'N HOO'N,
AYE AAYENAE KHAATIR YEH AJAB SHAHAR HAI JIS ME'N,
TOO POOCHH RAHA HAI KE MAI'N KIS KIS PE GIRAA'N HOO'N,
KISHTI ME'N JO RAKHE THEY SITAARE WOH KAHAA'N HAI'N,
SAAHIL PE UTAR AAYEE HAI SHAB, MAI'N BHI YAHAA'N HOO'N,
SHOW CASE ME'N AANKHO'N KE HAI'N KHWAABO'N KE KHILAONE,
MAI'N KHUD ME'N NEHAA'N,BACHCHE KI MATLOOB DUKAA'N HOO'N,
IK PIGHLE HUE HEERE KE SAYYAL BADAN KI,
HAR MAUJ YEH KAHTI HAI KE MAI'N SHOLA BAJAA'N HOO'N,
KIYO'N MUJHSE KISI TAUR NAHI NIBHTI YEH DUNIYA,
KYA MUJHKO "JAMEEL" ITNI KHABAR HAI MAI'N KAHAA'N HOO'N.