|
* Fursat-e-kaar faqat chaar gha.Dii hai yaaro *
Fursat-e-kaar faqat chaar gha.Dii hai yaaro,
ye na socho ke abhii umr pa.Dii hai yaaro,
apane taariik makaano.n se to baahar jhaa.Nko,
zindagii shammaa liye dar pe kha.Dii hai yaaro,
unake bin jii ke dikhaa de.nge chalo yuu.N hii sahii,
baat itanii sii hai ke zid aan pa.Dii hai yaaro,
faasalaa cha.nd qadam kaa hai manaa le.n chal kar,
subah aa_ii hai magar duur kha.Dii hai yaaro,
kis kii dahaliiz pe le jaake sajaauu.N is ko,
biich raste me.n ko_ii laash pa.Dii hai yaaro,
jab bhii chaahe.nge zamaane ko badal Daale.nge,
sirf kahane ke liye baat ba.Dii hai yaaro. |
|