Zaraa sii baat pe har rasm tod aayaa thaa,
 dil-e-tabaah ne bhii kyaa mizaaj paayaa thaa,
 muaaf kar naa sakii merii zindagii mujh ko,
 vo ek lamhaa ki mai’n tujh se tang aayaa thaa,
 shaguftaa phuul simat kar kalii bane jaise,
 kuchh is tarah se tuune badan churaayaa thaa,
 guzar gayaa hai koii lamhaa-e-sharar kii tarah,
 abhii to mai’n use pahachaan bhii na paayaa thaa,
 pataa nahii’n ki mere baad un pe kyaa guzrii,
 mai’n chand Khvaab zamaane me’n chhod aayaa thaa .