yaar puraane chhoot gaye to chhoot gaye
kaanch ke bartan toot gaye to toot gaye

soch samajh kar hont hilaane padte hain
teer kamaan se chhoot gaye to chhoot gaye

shahazaade ke khel khilone thodee the
mere sapane toot gaye to toot gaye

is bastee men kaun kisee kaa dukh roye 
bhaag kisee ke foot gaye to foot gaye 

chhodo ronaa-dhonaa rishte-naaton par 
kachche dhaage toot gaye to toot gaye 

ab ke bichhade to mar jaaenge 'paravaaz' 
haath agar ab chhoot gaye to chhoot gaaye
****