ہم آندھيوں کے بن ميں کسی کارواں کے تھے 
جانے کہاں سے آۓ ہيں، جانے کہاں کے تھے 

اے جان _ داستاں ! تجھے آيا کبھی خيال؟ 
وہ لوگ کيا ہوۓ جو تری داستاں کے تھے 

ہم تيرے آستاں پہ يہ کہنے کو آۓ ہيں 
وہ خاک ہو گۓ جو ترے آستاں کے تھے 

مل کر تپاک سے نہ ہميں کيجيۓ اداس 
خاطر نہ کيجيۓ کبھی ہم بھی يہاں کے تھے 

اب خاک اڑ رہی ہے يہاں انتظار کی 
اے دل ! يہ بام و در کسی جان _ جہاں کے تھے 

ہم کس کو ديں بھلا در و ديوار کا حساب 
يہ ہم جو ہيں،زميں کے نہ تھے،آسماں کے تھے 

ہم سے چھنا ہے ناف پيالہ ترا مياں 
گويا ازل سے ہم صف _ لب تشنگاں ميں تھے 

ہم کو حقيقتوں نے کيا ہے خراب و خوار 
ہم خواب _ خواب اور گمان _ گماں کے تھے 

صد ياد یاد _ جون وہ ہنگام _ دل کہ جب 
ہم ايک گام کے نہ تھے،پر ہفت خواں کے تھے 

وہ رشتہ ہاۓ ذات جو برباد ہو گۓ 
ميرے گماں کے تھے کہ تمہارے گماں کے تھے 
**********************