Maskan-e-maah o saal chhoR gaya
Dil ko uss ka khayaal chhoR gaya
Taaza dam jism o jaaN thay furqat meiN
Wasl , uss ka nidhaal chhoR gaya
Ahd-e-maazi jo tha ajab pur haal
Aik weeraan haal chhoR gaya
Zaala baari k marhaloN ka safar
Qaaflay, paayemaal chhoR gaya
Dil ko ab yeh bhi yaad ho k na ho
Kaun tha , kia malaal chhoR gaya
MaiN bhi ab khud se huN jawaab talab
Wo mujhey , bay sawaal chhoR gaya
***