GHAZAL

Gum Ham Bhi zindagi Ke Hijabaat Mei.N Mile
Wo Jab Khayaal Ban Ke Jawa.N Raat Mei.N Mile


Pinhaa.N Kaii Sawaal Jawabaat Mei.n Mile
kuch Mashware Bhi unki Her Ik Baat mei.N Mile


Ik Mai.N Hi Muztarib Nahi.N Unke khayaal Mei.N
Gum Aaj Wo Bhi Mere Khayalaat Mei.N Mile


Barham Kabhi Huwe To Kabhi Muskura Diye
Bharhke Huwe Se Shole Inayaat Mei.N Mile


Ik Mai.N Hi Muztarib Nahi.N Unke khayaal Mei.N
Gum Aaj Wo Bhi Mere Khayalaat Mei.N Mile


Afsoos Un Ki Zulf Ki Zeenat Na Ban sake
Wo Phool Jo bahaar Ki soghat Mei.N Mile


Shayad Meri Hayat Ka Hasil Hai.N Ai Hayat
Wo Gham Jo Mujh Ko Ishq Ki Barsaat Mei.N Mile
******