* Ashk Palko.N Mei.N Chupa Lene se Wahshat Hogi *
Ashk Palko.N Mei.N Chupa Lene se Wahshat Hogi
Ashk Gir Jaayei.N To Toheen e muhabbat Hogi
Sard Mohri Pe Mujhey Apni Nadamat Hogi
Jab Ayaa.N Dil Pe Tere Gham Ki Wazahat Hogi
Mere Gher Ke Dar o deewar Hai.N Roshan Gham Se
Ab Kahaa.N Mujh Ko Chiragho.N Ki Zaroorat Hogi
Gham Ko Is Wastey Mahfooz Kiya Hai Dil Mei.N
Gham Na Ho Dil Mei.N To Kiya Ishq Ki Qeemat Hogi
Mai.N Jalaa Aaya Hoo.N Jo Ishq Ki Raaho.N Mei.N 'Hayat'
Un Chiraagho.N Ki Kaha.N Tum Se Hifaazat Hogi
******* |