sukh chain bohat hay hum ko yahaN , hamay apni gali may rahnay day
ja apni gali may khail miaN, hamay apni gali may rahnay day
 
jaisi bhi hay apni chokhat hay, jaisa bhi hay apna aangaN hay
HooN ruqs kunan ya girya junaN, hamay apni gali may rahnay day
 
 koochay may teray hangama sahi, galyooN may meri sun, nata sahi
gulyooN may teri wo baat kahaN, hamay apni gali may rahnay day
 
kia soodo zyaN say hum ko gharaz, soda hay hamay sodai hein
to apni gali may khol dukaN , hamay apni gali may rahnay day
 
 bay taab na ho ek roz kabhi nikleeN gay gali may teri bhi
kernay hein abhi kuch kaam yahaN, hamay apni gali may rahnay day
 
kuch rung abhi hein roop talab, kuch roop  abhi hein rung talab
kuch khab abhi heiN khab.e garaaN, hamay apni gali may rahnay day
*******