yaad rakhay gi mujh ko kia tu bhi
aish ker yaad.e yaar ja tu bhi
tu  bhi ayee thee os kay koochay say
ja chali ja  waheen  saba tu bhi
aaj kay baad say hay meray lyay
misl.e umer.e guraiz pa tu bhi
kia say kia kerdya mujhay tu nay
ho gyee janay kia say kia tu bhi
 tera shikva mera gila besood
be wafa may bhi , be wafa tu bhi
may tujhay rookta hoon janay say
rook lay mera rasta tu bhi
aor bhi chara ger thay meray lyay
thee meray derd ki dava tu bhi
naaz utha, ti theen aor bhi kalyaN
gul ki laikin thee hum nava tu bhi
ja baja tha tilsm.e hosh ruba
aor jadoo thee ja ba ja tu bhi
koo ba koo thay hazar qissa.e rung
in hi rangooN may the hina tu bhi
aik say berh kay aik thee luzzat
thi alag aik zaiqa tu bhi
may bhi tha pahlay intihaooN per
ibtida may the intiha tu bhi
ho rahi hay qadm qadm per bhool
yaad aati hay ja ba ja tu bhi
******