|
* Kyaa hi.nd kaa zi.ndaa.N kaa.Np rahaa guu.Nj rahii hai.n takbiire. *
Kyaa hi.nd kaa zi.ndaa.N kaa.Np rahaa guu.Nj rahii hai.n takbiire.n,
uktaaye hai.n shaayad kuchh qaidii aur torh rahi hai.n za.njiire.n,
diivaaro.n ke niiche aa aa kar yuu.N jamaa huye hai.n zi.ndaanii,
siino.n me.n talaatum bijalii kaa aa.Nkho.n me.n jhalakatii, shamashiire.n
bhuukho.n kii nazar me.n bijalii hai topo.n ke dahaane Tha.nDe hai.n,
taqadiir ke lab pe jumbish hai dam to.D rahii hai tadabiire.n,
aa.Nkho.n me.n gadaa kii surKhii hai be-nuur hai cheharaa sultaa.N kaa,
taKhriib ne paracham kholaa hai sajade me.n pa.Dii hai.n taamiire.n,
kyaa un ko Khabar thii siino.n se jo Khuun churaayaa karate the,
ik roz isii be-rangii se jhalake.ngii hazaaro.n tasviire.n,
kyaa un ko Khabar thii ho.nTho.n par jo kufl lagaayaa karate the,
ik roz isii Khaamoshii se Tapake.ngii dahakatii taqariire.n
sambhalo ki vo zi.ndaa.N guu.Nj uThaa jhapaTo ki vo qaidii chhuuT gaye,
uTho ki vo baiThii diivaare.n dau.Do ki vo TuuTii za.njiire.n. |
|