|
* Naqsh-e-Khayaal dil se miTaayaa nahii.n hanoz *
Naqsh-e-Khayaal dil se miTaayaa nahii.n hanoz,
bedard mai.n ne tujhko bhulaayaa nahii.n hanoz,
vo sar jo terii raahaguzar me.n thaa sajdaa-rez,
mai.n ne kisii qadam pe jhukaayaa nahii.n hanoz,
maharaab-e-jaa.N me.n tuu ne jalaayaa thaa Khud jise,
siine kaa vo chiraaG bujhaayaa nahii.n hanoz,
behosh hoke jald tujhe hosh aa gayaa,
mai.n badanasiib hosh me.n aayaa nahii.n hanoz,
mar kar bhii aayegii ye sadaa qabr-e-"Josh" se,
bedard mai.n ne tujhako bhulaayaa nahii.n hanoz. |
|