Daaman-e-shauq meN masle hu’e phuuloN kii tarah,
zindagii hai kisii muflis ke usuuloN kii tarah,
( muflish : destitute; usuul : principles)
aaj bhii dhuup ke jangal meN hamaare saaye,
naachte phirte haiN be-fikr baguuloN kii tarah,
( baguule : crane)
vahii Firaun, vahii tannur  ke maqtal, vahii daar,
ham bhii is daur meN jiite haiN rasuuloN kii tarah,
(Firaun : The cruel Pharaoh at the time of Moses; maqtal : slaughter-house)
ko’ii mausam hii na badlaa ke kisii se kahte,
hasrateN suukh gayii dil meN babuuloN kii tarah,
( babuul : acacia)
haadise ham pe jo guzre the kabhii ai “Aazer”,
yaad aate haiN magar sirf maquuloN kii tarah.