Dheere dheere machal ay dile-beqaraar, koyii aataa hai
yuu.n taRap ke na taRpaa mujhe baar baar, koyii aataa hai.

uske daaman kii khusboo havaao.n me.n hai
uske qadmo.n kii aahat fazaao.n me.n hai
mujh ko karne de karne de solah singaar, koyii aataa hai.

mujh ko chhoone lagii.n uskii parchhaaiyaa.n
dil ke nazdeek bajtii hai.n shehnaaiyaa.n
mere sapno.n ke aa.ngan me.n gaataa hai pyaar, koyii aataa hai.

rooth kar pehle jee bhar sataauu.ngii mai.n
jab manaayega wo, maan jaauu.ngii mai.n
dil pe rehtaa hai aise me.n kab ikhtiyaar, koyii aataa hai.