* Itanaa to zindagiii me’n kisii kii Khalal pade *
Itanaa to zindagiii me’n kisii kii Khalal pade
Hansane se ho sukoo’n naa rone se kal pade
Jis tarah hans rahaa hoo’n mai’n pii-pii ke ashk-e-Gham
Yuun duusaraa hanse to kalejaa nikal pade
Ek tum ke tum ko fikr-e-nasheb-o-faraaz hai
Ek ham ke chal pade to baharahaal chal pade
Muddat ke baad us ne jo kii lutf kii nigaah
Jii Khush to ho gayaa magar aansuu nikal pade
Saaqii sabhii ko hai Gham-e-tashnaalabii magar
May hai usii ke naam pe jis ke ubal pade
|