Is naz is andaz se tum haye chalo ho,
roz ek Ghazal hum se kahlawaye chalo ho,
rakhna hai kahi'n panv to rakho ho kahi'n panv,
chalna zara aya hai to itraye chalo ho,
diwan-e-gul qaidi-e-zanjir hai aur tum,
kya thath se gulshan ki hawa khaye chalo ho,
mai mai'n koi Khami hai na sagar mai'n koi khot,
pina nahi'n aye hai to chalkaye chalo ho,
hum kuch nahi'n kahte hai'n koi kuch nahi'n kahta,
tum kya ho tumhi sab se kahlawaye chalo ho,
zulfo'n ki to fitrat hai lekin mere pyare,
zulfo'n se bhi zyada balkhaye chalo ho.