|
* Nafsiyat ke mahir , di'n ki jankari hai *
Nafsiyat ke mahir , di'n ki jankari hai
Piri aur muridi bhi shayiri bhi jari hai
Chehre par riya kari ,jeb tolti aankhe'n
Har ghari nasihat ki haath me'n pitari hai
Tol kar kare bate'n ,naap kar qadam rakhe'n
Muskrahte'n anka baat karobari hai
Kis ki baat mane'n ham ,kis ki raah apnaye'n
Raahbar hai nam uska asal me'n madari hai
Maikadah bhi roshan hai raaste me'n masjid ke
Ye bhi shagal jaari hai woh bhi shagal jaari hai
H/164-E, Burwood Road,
Concord, N.S.W.-2137,
(Australia)
|
|