نعت پاک

جب ثناگر ترا خود خالقِ اکبر نکلے
کون ہے خلق میں جو تیرے برابر نکلے

عقل والے بھی تری بزم سے ششدر نکلے
کلمہ پڑھتے ہوئے جب ہاتھ سے کنکر نکلے

تیرے اوصاف سے عکسِ رخِ داور نکلے
کبھی حسنین کبھی فاتحِ خیبر نکلے

ترے انصاف نے انصاف کو بخشا ہے دوام
شق ہوا چاند تو ٹکڑے بھی سراسر نکلے

اس لئے پیکر انساں میں ڈھلا آپؐ کا نور
طور کی طرح نتیجہ نہ مکرر نکلے

حمدِ محمود میں تاثیر محمدؐ ہو اگر
اپنے حامد کا ہی محمود ثناگر نکلے

التجا آپؐ سے کوثر کی ہے اے شاہِ اُممؐ
دم جو نکلے تو مدینے میں پہنچ کر نکلے

کوثر پروین کوثر

2B, Kimber Street, 2nd Floor
Kolkata-700017
Mob: 9339784378 / Ph: (033)22866337
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………