* مرا ہر نفس تری ملکیت کیوں خیالِ سو *
حمد
مرا ہر نفس تری ملکیت کیوں خیالِ سود و زیاں کروں
ہے یہی فریضۂ عبدیت نہ میں ایں کروں نہ میں آں کروں
مری سرکشی کو زوال دے مری سرنگوئی اجال دے
مرے عجز کو وہ کمال دے کہ میں کبر تیرا عیاں کروں
مرے فکر و فن کا مقام کیا مرا انتخاب کلام کیا
وہ جو اسم تجھ کو عزیز ہے وہی اسم وردِ زباں کروں
تو علیم ہے تو خبیر ہے تو فہیم ہے تو قدیر ہے
تو عظیم ہے میں حقیر ہوں کیا صفات تیری بیاں کروں
ہے تری نوازشِ بے کراں کیا رازِ کن سے بھی آشنا
ترا وصف وہ مرا ظرف یہ تو یقیں کرے میں گماں کروں
کوثر پروین کوثر
2B, Kimber Street, 2nd Floor
Kolkata-700017
Mob: 9339784378 / Ph: (033)22866337
بشکریہ ’’غزالانِ حرم‘‘ مرتب: مشتاق دربھنگوی
……………………………………
|