سر کڑاہی میں

مچلتی خواہشیں اس طرح میرے جی میں رہتی ہیں
کہ جیسے ہدیاں اُبلی ہوئی ہانڈی میں رہتی ہیں

بھلا ان بینگنوں سے ذائقے کی کیا توقع ہے
کہ جن کی حرکتیں ساری فقط تھالی میں رہتی ہیں

تم اس کی سادہ لوحی سے کہیں دھوکا نہ کھا جانا
ہزاروں رقمیں اس کی ایک خربازی میں رہتی ہیں

پسینے چھوٹتے ہیں مجنوؤں کے اے سی کمروں میں
کہ عصرِ نو کی لیلائیں بڑی گرمی میں رہتی ہیں

اِدھر شیریں کو حاصل ہو گیا ہے دودھ ڈبے کا
اُدھر فرہاد کی آنکھیں کسی کھڑکی میں رہتی ہیں

نجانے اس کی کرسی میں ہیں کیسی برکتیں خاورؔ
کہ اس کا سر کڑاہی میں ہے پانچوں گھی میں رہتی ہیں