|
* Mujh ko shikast-e-dil ka mazaa yaad aa gayaa, *
Mujh ko shikast-e-dil ka mazaa yaad aa gayaa,
tum kyuN udaas ho gaye, kyaa yaad aa gayaa,
kehne ko zindagii thii bahut muKhtasar magar,
kuch yuN basar hu’ii ke Khuda yaad aa gayaa,
barse baGhair hi jo ghataa ghir ke khul gayii,
ek be-vafaa kaa ahd-e-vafaa yaad aa gayaa,
maanGeinge ab duaa ke use bhuul jaayein ham,
lekin jo vo bawaqt-e-du’aa yaad aa gayaa,
hairat hai tumko dekh ke masjid meN ai Khumar,
kyaa baat ho gayii jo Khudaa yaad aa gayaa.
|
|