|
* Zindagii kii raunaq ko yuu.N sajaanaa pa.Dataa hai *
Zindagii kii raunaq ko yuu.N sajaanaa pa.Dataa hai,
dard sahnaa pa.Dtaa hai Gham chhupaanaa pa.Dtaa hai,
dil kii har tamannaa ko umr bhar ke armaa.N ko,
maslehat ke chauKhaT par bhuul jaanaa pa.Dtaa hai,
jo havaa se bikhre.nge us gulo.n ko dekho to,
har sabaa ke jho.nke pe jhuul jaanaa pa.D taa hai,
kis liye tumhe.n 'Khursheed' justajuu-e-tuufaa.N hai,
ishq me.n to saahil pe Duub jaanaa pa.Dtaa hai.
|
|