Dil bahut bezaar hai.neendoN sey  bhi aari hooN mein
jaagti aankhoN sey kin khwaboN ka mutlashi hooN mein?
 
mukhtalif hooN mein tirey atraf kay is shor sey
hooN bahut madhdham . tirey androon sey uththti hooN mein
 
tu bhi to dooba hai kitni bar khud sailaab mein
zom phir yeh kyun ke  tu sahil  hai aur kashti hoon mein
 
kyuN kahin rastey mein ruk kar jheel ban sakti nahiN?
kyuN kisi kharey Samandar hi mein ja milti hoon mein?
 
barha meney suna hai shor apney khoon ka
shab ki tanhai mein apney dil ki khaamoshi hoon mein
 
kuzagar kis shakl mein dhhaley yeh uskey haath hai
waqt kay ik chak par rakhkhi hui mitti hoon mein
 
Justjoo hoon , kar chuki hoon ramz kitney aashkar
is qadar saairab ho kar bhi bahut pyaasi hoon mein
****************