|
* Chaman me.n subah ye kahatii thii ho kar chashm-e-tar shabanam, *
Chaman me.n subah ye kahatii thii ho kar chashm-e-tar shabanam,
bahaar-e-baaGh to yuu.N hii rahii lekin kidhar shabanam,
arq kii buu.nd us kii zulf se ruKhasaar par Tapakii,
taajjub kii hai jaage ye pa.Dii Khurshiid par shabnam,
hame.n to baaGh tujh bin Khaanaa-e-maatam nazar ayaa,
idhar gul phaarate the jeb, rotii thii udhar shabanam,
kare hai kuchh na kuchh taasiir sohabat saaf taabo.n kii ,
huii aatish se gul ke baiThate rashq-e-sharar shabnam,
bhalaa tuk subah hone do ise bhii dekh leve.nge ,
kisii aashiq ke rone se nahii.n rakhati Khabar shabnam,
nahii.n asbaab kuchh laazim subak saaro.n ke uThane ko ,
gaiii u.D dekhate apane baGhair az baal-o-par shabnam,
na paayaa jo gayaa is baaG se hargiz suraaGh usakaa.
na palTii phir sabaa idhar, na phir aaii nazar shabnam.
na samajhaa Dard hamane bhed yaa.N kii shaadii-o-Gham kaa,
sahar khandaan hai kyo.N rotii hai kis ko yaak kar shabanam.
|
|