Jo kuchh nazar paRaa mera dekha hua lagaa
ye jism ka libaas bhi pehna hua lagaa.

jo she'r bhi kahaa wo purana lagaa mujhe
jis lafz ko chhuaa wahi bartaa hua lagaa.

dil ka nagar to der se veeran tha magar
sooraj ka shehr bhi mujhe ujRaa hua lagaa.

apnaa bhi jee udaas tha mausam ko dekh kar
us shokh ka mizaaj bhi badlaa hua lagaa.

"pashi" se khul ke baat humari bhi kal hui
wo naujwaan to humeN suljha hua lagaa.