زمیں زادوں نے پھر سے ساز چھیڑا کُن فَیکُن
سماعت ہو گئی ہے پاَرہ پاَرہ کُن فَیکُن
نِہتّے آدمی نے گولیوں کی باڑ سے پوچھا
ہوا تم کو کہاں سے یہ اشارہ کُن فَیکُن
ہوا ہے خاک و خوں کا اِک سمندر ہمسفر ِپھر سے
حِنا کے پیڑ سے پھُوٹا شرارا کُن فَیکُن
بدلتے موسموں کا رنگ آنکھوں میں اُتر آیا
بنا کے ابرِ نیساں سنگِ خارا کُن فَیکُن
لکھا ہے پارسائی کا ترانہ بادِ صَر صَر نے
ہوائے درد کا لے کر سہارا کُن فَیکُن
ہے لُوٹا پھر محبت کو محبت کے خدائوں نے
محبت نے ہے پھر پائوں پسارا کُن فَیکُن
جلا کے روشنی کا پیڑ کِس نے اپنے آنگن میں
دیا ہے نغمگی کو اِستعارہ کُن فَیکُن
ہمارے دیوتائوں نے ہی لُوٹا ہے ہمیں سچ ہے
پیمبر ِپھر کوئی گردوں سے آیا کُن فَیکُن
صحیفوں کی نظاَرَت آب میں دیکھی نہ جاتی تھی
دیا ہے ِپھر کنولؔ نے آبیانہ کُن فَیکُن
*************
