بے بسی کا جہاں مجھ پہ ہنسنے لگا
من کے صحرا میں گوہر اگلنے لگا
میں نے جب بھی محبت کی خیرات کی
مجھ پہ ہی میرا کاسہ برسنے لگا
دُور تک منزلوں کا نشاں تک نہ تھا
خاک ہوتا ہوا گُل مہکنے لگا
آرزو کے چناروں سے لے کر دُھواں
میری آنکھوں میں ساون سنورنے لگا
رَتجگوں کی صلیبوں میں لپٹے ہوئے
کہکشائوں میں خاور سلگنے لگا
کُچھ نہ دِل میں رہا کِس نے کیا کہہ دیا
خامشی کا بدن خُوں اُگلنے لگا
گُلبنوں کے لبوں پہ کیا مُہریں لگیں
جلترنگ سوکھے پتّوں کا بجنے لگا
دیکھ کر اُلفتوں کے کنولؔ آب میں
خاک زاروں میں گُلبن بہکنے لگا
************