Ik intazaar saa thaa ab nazar me’n vo bhii nahii’n
safar men marane kii fursat thii ghar me’n vo bhii nahii’n

zaraa malaal kii zulmat ko Taalane ke liye
kaii Khayaal the ab to asar me’n vo bhii nahii’n

jo sang-o-Khaar the merii hii gardishon tak the
main rah-guzar me’n nahii’n rah-guzar men vo bhii nahii’n

the chashm-e-baam nagar me’n ajab tuluu ke rang
vo ik nishaat-e-sahar thaa sahar men vo bhii nahii’n

rahe na kuchh bhii magar ye kaif kyaa kam hai
jis aagahii kii kamii thii hunar me’n vo bhii nahii’n