* Adab Ke Naam Pe Dhabba nahi Lagate Hum *
Gazal :-
Adab Ke Naam Pe Dhabba nahi Lagate Hum
Ghazal ke sath Latife Nahi Sunate Hum
Hamara Kaam Haqiqat Bayaan Karna Hai
Sunehre Khwaab Kisi Ko Nahi Dikhate Hum
Tamaam Lafzo Ki Aankhon Se khoon tapakta Hai
Ghazal Kahin Bhi Purani Nahi Sunate Hum
Sarron Ki Phasle Har Ek Mod Pe Nazar Aati
Jo Bhai Chare Ke Paude Nahi Ugate Hum
Sitamgaro Me Hamara Shumar Mat Karna
Charag Ghar Ka Kisi Ke Nahi Bhujate Hum
Ye Aain Gain Ka Chakkar Tumhe Mubarak Ho
Musibaton Ko Gale Se Nahi Lagate Hum
Hum Apne Murde Bhi Karte Hai Dafan Mitti Mein
Kisi Ko Dosto Zinda Nahi Jalate Hum
Ajab Mizaj Hai Mahir Hamara Bachpan Se
Ameer zadon Ki Mehfil Nahi Sajate Hum
Mahir Nizami Mumbai
|