Unkii Khushii yahii hai to acchaa yuuNhii sahii,
ulfat kaa naam aaj se diivaangii sahii,
har chand naa-murad huuN phir bhii huuN kaamyaab,
koshish to kii hai koshish-e-barbaad hii sahii,
GhunchoN ke dil se puuchiye lutf-e-shaguftagii,
baad-e-sabaa pe tohmat-e-aavaargii sahii,
( lutf-e-shaguftagii : pleasure of blooming; baad-e-sabaa : morning breeze; tohmat-e-aavaargii : allegation of misdemenour)
jab chhiR gayii hai kaakul-e-shab rang kii Ghazal,
aise maiN ek qasiidah-e-ruKhsaar bhii sahii,
(kaakul-e-shab rang : tresses as dark as night; qasiidah-e-ruKhsaar : paean in praise of face)
“Mahir” se ijtinaab na farmaayeN ahl-e-dil,
acchoN ke saath aik gunehgaar bhii sahii.