|
* Utth gaye rind, qareenay walay *
Utth gaye rind, qareenay walay
reh gaye aam se, peenay waalay
hain kahan, khaas thi masti jin ki
apni dunya main hi jeenay waalay
leher saahil se utthaa lay aaii
neend main gum thay, safeenay walay
ishq sadyon ki lagan maangta hay
hum maheenay k maheenay walay
sheher, barkat se huay hain khaali
ik nazar hum pe madeenay walay
be nawaaon se zameen par ronaq
hain faqat bojh khazeenay walay
liay phirte hain, dehekti aankhen
teri aankhon se na peenay walay
lout aaii thi basaarat foran
kaise kurtay thay paseenay walay |
|