* Tu muamma hai to hul isko bhi kerna hai mujhe *
Tu muamma hai to hul isko bhi kerna hai mujhe
tu samander hai to phir teh main uterna hai mujhe
tu ne socha tha k jalwon se behal jaoonga
aise kitne hi sarabon se guzerna hai mujhe
qehar jitna hai teri aankh main bersa de mager
isi girdaab main phans ker to ubherna hai mujhe
phir bapa hai wohi jazbaat ka toofaan to kia
isi bigre hue mausam main sanwerna hai mujhe
in dinon chaand ki taskheer ki hai fikr k.....kal
chandni ban k zamanay main uterna hai mujhe
kis terah chor doon is shehar ko ae mauj e naseem
yahin jeena hai mujhe or yahin merna hai mujhe
ruk gaya waqt,palat aayi hain beeti sadiyaan
yehi wo lamha hai jab Shaam* bikherna hai mujhe |