* Nigaah-e-saaqii-e-naamaharabaan ye kyaa jaane *
Nigaah-e-saaqii-e-naamaharabaan ye kyaa jaane
ki Toot jaate hain Khud dil ke saath paimaane
milii jab unase nazar bas rahaa thaa ek jahaa’n
hatii nigaah to chaaron taraf the viiraane
hayaat laghzishe-paiham kaa naam hai saaqii
labon se jaam lagaa bhii sakuu’n Khudaa jaane
vo tak rahe the hamii’n hans ke pii gae aansuu
vo sun rahe the hamiin kah sake na afasaane
ye aag aur nahii’n dil kii aag hai naadaan
chiraagh ho ke na ho jal bujhenge paravaane
fareb-e-saaqii-e-mahafil na puuchhiye "Majrooh"
sharaab ek hai badale hue hai’n paimaane
|