Shamm’aa kii tarah shab-e-Gham meN pighalte rahiye,
subh ho jaayegii, jalte haiN to jalte rahiye,
(shamm’aa : flame; shab-e-Gham : night of suffering)
vaqt chaltaa hai uRaataa hu’aa lamhaat kii gard,
pairahan fikr kaa hai, roz badalte rahiye,
(vaqt : time; lamhaat : moments; gard : dust; pairahan : garment; fikr : thought)
aaiinaa saamne aayegaa tau sach bolegaa,
aap chehre jo badalte haiN badalte rahiye,
aa’ii manzil to qadam aap hi ruk jaayeNge,
ziist ko raah-e-safar jaan kar chalte rahiye,
subh ho jaayegii to haath aa na sakegaa maahtaab,
aap agar Khvaab meN chalte haiN to chalte rahiye,
ahd-e-imroz ho yaa vaada-e-fardaa “Manzoor”,
TuuTne-vaale khilone haiN, bahalte rahiye.
(ahd-e-imroz : today’s resolution; vaada-e-fardaa : tomorrow’s promise; khilone : toys)