حریم فکر میں  ہے عالم قیاس میں  ہے
تیرا وجود مری چشم خود شناس میں ہے
 
جو عکس عکس منوّر ہےتیرا نقش جمیل
یقین کا سوز یہی میرے التباس میں  ہے 
 
ہر ایک حرف عبارت ہے جلوہ صد رنگ 
جو پارہ پارہ میرے دل کے اقتباس میں ہے
 
ہے روح عصرکی بے چینیاں سمیٹے ہوئے
وہ سوزجاں بلبی جو نظرکی پیاس میں  ہے 
 
جواز معنی امکان  ہے   بہ   رنگ   نظر
بیاں کا حسن نہاں حرف کے لباس میں ہے
 
یہ  وہ   جگہ  ہے  جہاں لیتی ہے  امید  پناہ
نہ جانےکیسی کشش اب بھی دشت یاس میں ہے
 
تیرے  ہی  نام  ہے  منسوب  یہ  حکایت  دل
تیرا ہی  ذکر  مرے  نامہ  سپاس  میں   ہے
*******