|
* ae banaye harfe la is harf ke ander bhi hai, *
ae banaye harfe la is harf ke ander bhi hai,
Maavraye khwab bhi hai, khwab ka paikar bhi hai..
Tu mataaye ikhtiraa jalwa-e-zaat-e- khudi,
Andar aaene ke bhi, aaene ke bahar bhi hai..
Tere mere darmiyaa’n illa ka la ka masla,
Aur yehi ek masla ma- baine khair-o-shar bhi hai..
Aashna tera nahi tujhse koi badh ke magar,
Tu saraapa raaz bhi hai, raaz ka mazhar bhi hai..
Fikr-e-insaan me tajassus khez hai ye bhi sawaal,
Khaaliq-e- adna basher tu khaaliqe akbar bhi hai..
Be’neyaazi me teri hai naaz bhi hairat farosh,
Tere andaaz-e- nazar me aalam-e- mehshar bhi hai
Teri zaate wahda az khud banaye imtiyaaz,
Hai kabhi zakhme tamanna aur kabhi nashtar bhi hai..
Chehra bhi aaena bhi aur parda dare jalwa bhi ,
Pesh-e- manzar bhi tu hi, tu hi pas-e- manzar bhi hai..
******* |
|