|
* Thakan se choor hue hosle safar wale, *
Thakan se choor hue hosle safar wale,
Udaan bhool gaye sare baal-o-par wale!
Bisaat-e-shauq pe baazi jo dil ki haar gaye,
Gaye kahan, woh bhari bazm se jigar wale ?
Yaqee’n ke daayere simte to is qadar simte ,
Gumaa’n ke shaher me basne lage nazar wale!
Mashham jaan me jo gul ki tarah mahakte the,
Ude wo harf kitabon ke aab zar wale!
Tilism-e-hosh ruba hai ye dor-e-didah waran,
Khud apne aap se hai’n be khabar, khabar wale!
Main apne aap se bezaar hoon magar “ manzar” ,
Mere wijood se barham hai’n kyon asar wale?
Wo chahte the ke ho dor-e- aag’hi dil main,
Kuchh aise log the manzar jonoon ke sar wale!
******* |
|