|
* Yeh hijratoN ki sa,aadat jo baar baar miley *
Yeh hijratoN ki sa,aadat jo baar baar miley,
Kisi kisee ke moqaddar meN itna pyar miley,
Khushi na phal hai shajar ka, na abr kee bearish,
Kisi ko khush karo tum ko khushi hazaar miley,
Miley to mil ke na milney ke shikway ley baiThe,
Firaq-e- yaar meN yaaro yeh kaisey yaar miley,
Basooye maikada paNhche ke gham gusaar miley,
ghamoN meN Doobe hooay mast o Maigusaar miley,
nigaah-e- shauq se merey, wohi jo katraey,
usee ko bhoolna chahooN to baar baar miley,
Shab-e- firaaq to tanha guzaar di manzar,
Milan ki subh sataaney ko dost-yaar miley.
|
|