* meree balaa se aaney do hareef kiyaa khareef kiya *
meree balaa se aaney do hareef kiyaa khareef kiya
qazaa nahi koi meree adeel kiyaa caqeef kiyaa
hawaa ki khaasiyat hai yeh cheraagh who bujhaaye gee
howaa to bas hawaa hi hai naseem kiyaa kaceef kiyaa
meraa zameer aayina parho isey bhi ghaor sey
dilee kitaab rukh pe hai moheeb kiyaa zareef kiyaa
horoof ke hesaar sey faqat nahi ghazal ka dam
jo fikr hi nahi rahee bohoor kiyaa radeef kiyaa
hawaayeN aisi tund theeN ki zaad e rah nahi bachaa
sabhi ujaD pajaD gaye jaseem kiyaa naheef kiyaa
hai amr e waaq’ee yahee ki maalo zar ki chaah me
sabhi huye hain eyk se khabeec kiyaa shareef kiyaa
nibhaaye ja atu zindagee bhaley ye bojh hee sahee
uthaa liyaa hai sar pe gar caqeel kiyaa khafeef kiyaa
************ |