|
* Karnee hai jo bhi kijiye guftaar saaf saaf *
Karnee hai jo bhi kijiye guftaar saaf saaf
Attar main hun kartaa hun beopaar saaf saaf
Hain aap mere yaar ki hain maar e aasteeN
Main ne suni hai aap ki phuphkaar saaf saaf
Ki doctor ne koshisheN ki noch le usey
halaaNki ab ki bach gaya beemaar saaf saaf
jootey uthaao maaro ghazal bechtey hain jo
khaali na jaaye koi bhi haqdaar saaf saaf
lagta hai is pe TUNG chali hai kisi ki aaj
rukhsaar aap ke hain mere yaar saaf saaf
jo dushmanaan e jaan they wo kaam aa gaye
pahloo bachaa gaye hain namak khaar saaf saaf
kuchh log ,, saaf saaf ,, ko umdah nibhaa gaye
kuchh phaNs gaye hain ab ke ghazalkaar saaf saaf
ham se hi aabrooy e majaalis ka silsila
ham ko an apni bazm se dhutkaar saaf saaf
IMRAAN HAASHMI ne kaha ek din ..miyaaN
Mushkil se haath aata hai kirdaar saaf saaf
Ummat ke dhan se TAAJ bana shah ka ghoroor
Manzar se jab ki uD gaya memaar saaf saaf
Hassaas us ki TOP ne kheerah kiya nazar
Dil ka qaraar le gaya shalwaar saaf saaf
**** |
|